DAVAO CITY-Padayon gihapon ang pagbantay sa mga kapulisan main entrance gate sa Kingdom of Jesus Christ (KOJC) compound sa Davao City.
Tibuok adlaw na ang milabay sukad nakasulod ang mga pulis sa compound sa KOJC apan wala gihapon nila nakita si Pastor Apollo Quiboloy ug laing upat ka kauban nga akusado.
Apan, intact gihapon ang pagsalig ni P/BGen. Nicolas Torre III nga si Quiboloy sulod sa KOJC compound.
Dugang ni Torre, nakadawat sila og impormasyon nga posibleng makaikyas si Quiboloy atol sa ilang pagtutok sa compound.
Sa piaks bahin, miluwat og pamahayag si kanhi presidente Rodrigo Duterte kalabot sa pagpangita sa Philippine National Police (PNP) sa compound sa Kingdom of Jesus Christ (KOJC) aron dakpon si Apollo Quiboloy ug laing upat ka mga kauban.
Matud niini nga ang nasud wala nakasinati og susamang kahimtang karon diin ang mga katungod gitumban ug ang mga balaod, gibiaybiay.
Ingon man nga nanawagan kini sa tanang Filipino nga mohalad og pag-ampo alang sa kalinaw ug hustisya ug protektahan ang katawhan sa nasud.
