CARCAR CITY,CEBU-Walay natala nga dagkong kasikas o mga buot nga mupalusot sa ilahang mga buhi o produkto sa baboy sa dakbayan sa Carcar.
Gipahibalo ni Police Lieutenant Colonel Ardioleto Cabagnot, ang hepe sa Carcar City Police Station, nga sa nagpadayon nila nga pagbantay sa mga border control, giingong ang tanang buot nga mo agi kay kompleto man sa ilahang mga dokumento.
Apan iyahang gitataw nga igo lang sila magpa-agi sa mga nagdala ug baboy alang sa ubang area, ug dili alang sa dakbayan sa Carcar.
Matud pa, ang mga karne nga anaa sa merkado kay gikan lang sa dakbayan sa Carcar ug wala na’y nakasagol niini nga gikan pa sa laing lugar, ingon man nga walay karne o buhing baboy usab nga gikan sa dakbayan ang makagawas ug ihatud sa uban pang mga areas.
Gihimug-atan ni Cabagnot nga walay angayan nga kabalak-an ang mga residente sa Carcar kay luwas nga kan-on ang mga karne nga anaa sa ilahang kamerkadohan.
