CENTRAL VISAYAS-Gipasiugda ni Police Brigadier General Anthony Aberin, ang direktor sa Police Regional Office Central Visayas (PRO-7 ang kahinungdanon sa pagdugang nga visibility sa pulisya aron mapugngan ang pagsaka sa gidaghanon sa mga krimen.
Dugang pa, nga ang kapulisan kinahanglan kanunay nga magpabilin sa sukaranan sa ilang mga katungdanan ug sa pag-obserbar kanunay sa police operational procedures alang sa pagpugong sa krimen ug pagsulbad sa krimen.
Matod ni Aberin, dili gyud angayang magsalig ang kapulisan sa closed-circuit television (CCTV) footage ug drone patrolling tungod kay dili kini mahimong kapuli sa real-time nga presensya sa kapulisan.
Sa pikas bahin, nagkanayon si Police Colonel Percival R. Zorrilla, ang bag-ong provincial director sa CPPO, nga ang pagpataas sa police visibility maoy usa sa iyang direktiba sa kapulisan aron malikayan ang mga krimen nga mahitabo.
Dugang pa niya nga kinahanglan usab nga proactive ug full alert kanunay ang mga law enforcers aron luwas sa kadaot ang publiko.
Gipasabot usab ni Zorilla nga dili pa igo ang mga police personnel sa probinsya hangtod ning pagsuwat.
Hinuon, gipasalig niya nga ilang ma-maximize ang ilang deployment.
