CENTRAL VISAYAS-Nagpahigayon inspeksyon ang mga personahe sa kapulisan sa central Visayas, sa mga nagkadaiyang lugar nga dagsaon sa mga indibidwal nga gustong mopauli sa ilang tagsa-tagsa ka mga probinsya alang sa taas nga katapusan sa semana.
Kung diin usa sa gi-inspeksyon ang Pier 3, Cebu South Bus Terminal ug ang Mactan-Cebu International Airport, kini aron sa pagsusi sa mga lakang sa kaluwasan.
Gitino ni Police Colonel Ireneo B. Dalogdog, City Director sa Cebu City Police Office, nga basi sa ilahang pagpahigayun sa naasoy nga inspeksyon walay natala nga untoward incident, gawas nalang sa pagdagsa daghang indibidwal.
Dugang pa, nga mikabat na sa di mo minos sa 800 ka mga personnel ang gipakatap sa mga naasoy nga lugar, apil na niini ang kapulisan, Force Multiplier, Task Force kasaligan, EOD-K9 UNIT, ug mga nagkadaiyang augmentation.
Asoy pa sa opisyal, nga ang pagpakatap sa mga personnel taman na kini sa umaabot nga Dominggo.
Gi-klaru sa opisyal nga apil usab sa ilahang gipahugtan ang seguridad sa mga nagkadaiyang simbahan sa Dakbayan sa Sugbo, ilabi na nga sa 34 ka mga simbahan ang 23 niini ang dagkong simbahan.
Hinungdan nga adunay Police Assistance Desk, nga mamahimong kadoolan sa mga mosalmot sa obserbasyon sa Domingo sa Pagkabanhaw.
Ang maong inspeksyon gipangulohan ni Police Colonel Noel R. Flores, Deputy Regional Director for Administration, ug Police Colonel Ireneo B. Dalogdog, City Director sa Cebu City Police Office.
