Hingpit na nga nangandam ang mga sakop sa kapulisan alang sa seguridad sa Sinulog Grand Parade 2026, uban sa liboan ka mga personahe nga gipadala ug estrikto nga mga lakang sa pagkontrol sa panon sa katawhan nga gipatuman kini nunot sa gilauaman nga mokabat sa 4 ngadto sa 5 ka milyon nga mga deboto ug mga tumatan-aw karong adlawa.
Matud sa Cebu City Police Office, 100 porsyento nga andam alang sa mga nag-unang kalihokan sa Sinulog, nga gilauman nga makadani sa labing daghang mga tawo sa usa ka semana nga selebrasyon.
Gipahugtan usab ang mga gipangdili atol sa pagsaulog diin lakip niini ang mga ilimnong makahubog sulod sa 300 metros gikan sa mga opisyal nga ruta sa kalihokan, ubos sa usa ka executive order nga gi-isyu niadtong Huwebes, Enero 15.
Samtang, dul-an sa 2 milyones nga mga deboto ang miapil sa solemn foot procession sa Fiesta Señor, nga nimugna og dagat sa mga tawo sa dagkong dalan sa syudad.
Matud ni Konsehal Dave Tumulak, ang chairman sa Cebu City Disaster Risk Reduction and Management Council (CCDRRMC), nga ang mga mitambong sa prosesyon karong tuiga milabaw sa banabana nga 1.4 milyon sa miaging tuig, basi sa mga pagtimbang-timbang sa mga awtoridad sa siyudad human sa kalihokan.
