CEBU CITY-Gipangandaman sa kapulisan sa dakbayan sa Sugbo ang pag-abli sa klase sa mga pribado ug publikong tunghaan sa syudad nga magsugod sa sunod semana.
Matod ni Police Lieutenant Colonel Janette Rafter ang deputy city director for operation sa CCPO ug kasamtangan nga spokesperson ni Police Colonel Ireneo Dalogdog nga naka han-ay na ang ilang pagpatuman sa siguridad.
Hinungdan nga magbutang silag mga police assistance desk sulod sa mga eskwelahan ilabi na sa unang semana sa klase tungod kay kini nga panahon daghan ang angayan nga tabangan nga mga tinun-an.
Usa sa ilang patutukan sa kahuot sa dagan sa mga sakyanan ilabi na sa mga dagkong eskwelahan sama sa Abellana National High School diin nagpadayon usab ang pag trabaho sa karsada da Osmeña boulevard tungod sa Bus Rapid Transit BRT.
Gipanglantawan sa kapulisan nga maka sinati og kahuot sa trapiko ang Osmeña boulevard tungod sa kadagahan sa mga tinun-an.
Makig-alayon usab ang CCPO sa mga magtutudlo sa mga tunghaan ilabi na sa mga night high school nga maoy gipatutukan sa Police Regional Office 7 sanglit sila ang peligro nga mabiktima sa krimen.
Gawas sa mga police nga mag bantay ila usab nga gamiton ang mga barangay tanod nga mag silbing gwardya atol sa pag sulod ug pag gawas sa mga estudyante.
