CEBU-Gipahibalo ni Police Colonel Ireneo Dalogdog, ang hepe sa Cebu City Police Office, nga dili na mahinayon ang reassignment sa mga pulis sa dakbayan sa Sugbo ngadto sa Negros Oriental.
Matud ni Police Colonel Dalogdog nga niadtong nakalabay nga semana kay naka-istorya niini ang staff ni Cebu City Mayor Michael Rama diin giingong dili mutugot ang mayor sa maong lakang gumikan kay maapektohan ang operasyon sa kapulisan sa dakbayan.
Dugang pa, daghang mga sakop sa kapulisan ang hilabihan nga naguol sa maong reassignment gumikan kay wala masayod sa area sa Negros Oriental.
Subay niini, gipaabot ngadto kang PRO 7 Regional Director Police Brigadier General Jerry Bearis ang maong mga concern ug diha midesisyon kini nga dili na ihinayon ang reassignment sa kapulisan.
Sa pagkakarun, wala na’y lihok nga ipahigayon alang sa kapulisan sa Cebu City Police Office, ug bugtong mga sakop sa Regional Mobile Force Battalion (RMFB 7) ang ipadala sa Negros Oriental.
