Miresulta sa malampusong pagkasikop ka 29 ka mga high value individual ug 555 ka mga street level sa ilang sunod-sunod nga mga operasyon batok sa ilegal nga droga nga gihimo sa tibuok dakbayan sa Lapu-Lapu.
Kini ang gipaambit ni PCol. Antonietto Cañete, ang OIC sa Lapu-Lapu City Police nga dul-an sa 16,500 ka gramo sa shabu nga gibana-bana nga nagkantidad og P111, 620, 844.50 ang nasakmit, ingon man ang 1,675.10 gramos sa marijuana.
Gawas sa ilang subsob nga pakigbisog sa illegal nga drogas kay gitutukan usab nila ang illegal nga sugal diin nakasikop ang mga kapulisan og 139 ka indibidwal.
Nipasalig usab kini sa mga Oponganon nga mas hugtan pa nila ang ilang mga kampanya batok sa nagkandaiyang programa sa pagsumpo sa mga iligal nga kalihokan aron masiguro ug mamintar ang kahapsay ug kaluwasan sa ilang mga lumulupyo.
