CEBU – Nipahigayon og simulation exercise (Simex) ang mga sakop sa Minglanilla Police Station sa habagatang Sugbo niadtong Biyernes, Disyembre 9, 2022, isip pagpaabot sa pagsaka sa mga insidente sa pagpangawat ug pagpanulis karong panahon sa Pasko.
Nagkanayun si Major Arieza Otida, hepe sa Minglanilla police station, nga nakamugna sila og scenario diin usa ka langyaw ang gitulis ug ilang gigukod ang suspek, Apan, sa proseso sa pagdakop sa suspek, nasamdan ang langyaw.
Matod ni Otida, ang mga adlaw paingon sa Bisperas sa Pasko, adlaw sa Pasko ug Bag-ong Tuig maoy paboritong panahon sa tuig sa mga kriminal nga elemento nga ganahan mangbiktima sa mga tawo nga kasagarang mogawas aron makig-uban sa ilang pamilya mamalit o mangaon.
Siya miingon nga ang kalihokan kinahanglan magsilbi nga usa ka pasidaan sa publiko, ingon man sa pag-edukar sa mga mogawas niining panahona.
