PROVINCE OF CEBU-Gi-monitor karon sa Cebu Police Provincial Office (CPPO) ang mga tourist destination sa lalawigan nunot sa pagsugod sa Oplan Summer Vacation, o Oplan Sumvac.
Kini subay sa Bag-ohay lang nga gimanduan ni Philippine National Police Chief Major General Benjamin Acorda Jr. ang tanang regional directors, apil na ang mga hepe sa kapolisan sa dakbayan ug probinsiya, sa pagsiguro sa kaluwasan sa lokal ug langyaw nga mga turista.
Gitino ni Police Lieutenant Colonel Mark Gifter Sucalit, deputy director for operations sa CPPO, nga gimanduan nila ang mga municipal police station nga dugangan ang personnel nga na-assign sa tourist police unit.
Matud ni Sucalit nga ilang tutokan ang mga lugar nga naila nga makadani og daghang turista sama sa Kawasan Falls sa Badian, Moalboal, Oslob, Daanbantayan, Bantayan Island ug Camotes Islands.
Giklaro sa opisyal sa kapolisan nga walay hulga sa seguridad sa maong mga dapit, apan gusto lang nila nga mangandam sa bisan unsang dili maayong panghitabo.
