CEBU CITY-Gikasubo ni Cebu City Police Office Director Col. Ireneo Dalogdog ang mga pasangil sa mga netizens sa social media sama sa daling pagtudlo kang Mayor Mike Rama ug sa iyang convoy nga nalambigit sa kamatayon ni Larumbe gani, anaa kini sa Bohol sa dihang nahitabo ang maong krimen.
Mihangyo ang opisyal nga sa sunod nga adunay mga panghitabo nga motumaw susama sa maong kaso, dili dayon motudlo kung kinsa ang posibleng adunay kalambigitan gumikan adunay mga inosente nga madamay.
Gani, gi-awhag niini ang publiko nga magpaabot sa resulta sa mga gipahigayon nga imbistigasyon sa kapulisan.
Sama sa bag-o lang nahitabo nga kaso sa 23-anyos nga si Larumbe diin base sa imbistigasyon sa kapulisan ug sa mga nahipos nga mga ebidensya, wala’y duda nga gituyo sa giilang suspek nga si Aaron Karl Tan ang maong krimen.
Samtang, mipadayag usab sa ilang pasalamat ang mga kapulisan nga mikupot sa maong kaso gumikan sa ilang pakig-kooperate sa mga naksaksi ug sa mga mihatag sa mga CCTV footag arun hingpit nga matumbok ang suspek.
