CEBU CITY-Padayun ang monitoring ug pagbuhat og follow up investigation sa mga kapulisan sa Sugbo arun sa pagsuta sa sagonsun nga pagpamusil patay sa Dakbayan.
Kini ang gitino ni Police Lieutenant Colonel Janette Rafter, ang deputy city director for operations sa Cebu City Police Office, kung diin ilahang gi-tutukan ang background sa mga biktima, arun masuta ang hinungdan sa pagpamusil.
Dugang pa ni Rafter, nga subay sa mga taho nga nanggawas nga kasagaran sa pagpamusil patay sa Dakbayan adunay kalambigitan sa drugas,ilaha pa usab kini nga gi-validate.
Gitino niini, nga aduna nay team ang mga kapulisan nga mag roving sa Dakbayan sulod sa 24-oras arun ma minusan ang mga insidente, apan adunay mga panghitabo nga dili nila mabantayan.
Gihimug-atan niini, nga naningkamot ang mga kapulisan nga masulbad ang mga insidente ug padayun nga naningkamot nga masulbad, arun masiguro ang kaluwasan sa katawhan sa Dakbayan.
