CEBU CITY – karun ang pagtutok sa kapulinsa sa Sugbo sa ilang imbestigasyon sa unang mga Person of Interest kun POI nga sila si Simeon Gabutero ug Roberto Gabison kalabot sa kamatayon ni Rhea Mae Tocmo.
Gibutyag sa Deputy City Director for Operations sa Cebu City Police Office CCPO nga si Police Lieutenant Colonel Janette Rafter nga padayon karon ang pagtutok sa ilang imbestigasyon sa unang mga Person of Interest kun POI sa kamatayon ni Rhea Mae Tocmo.
Giangkon ni Rafter nga bisan sa pagpatim-aw sa usa ka taxi driver nga giingong nasakyan og susama’g nawong sa amiga ni Rhea Mae nianang alas 8 sa buntag Hulyo 17 nga nagdala og karton nga walay sulod.
Nisakay kini sa usa ka hotel sa may dan B. Rodriguez ug nagpahatod sa usa ka condominium sa may Barangay Labangon.
Apan gipasabot ni Rafter nga ang pamahayag sa taxi driver wala magtukma sa ilang uban usab nga nakaylap nga ebidensya sa kamatayon ni Rhea Mae sama sa pamahayag usa sa ka gwardiya sa usa ka subdivision haduol sa gilabayan sa patayng lawas ni Rhea Mae nga nabantayan na niini ang karton alas 7 sa buntag.
Dugang pa, nga ila na usab nga naimbestigar ang amiga ni Rhea Mae kaniadto apan wala gayuy mag-link niini sa pagkakaron sa kamatayon ni Rhea Mae.
Sa pagkakaron ila gihapong gisentro ang imbestigasyon ug pagpalig-on sa kaso batok sa una nilang gipangkonsiderar nga POI nga sila si Gabutero ug Gabison aron makapasaka gayud sila og kaso.
