CEBU CITY-Andam na ang ang kapulisan sa Sugbu sa umaabut nga mga kalihukan sa Semana Santa.
Kini ang gitino ni Police Colonel Ireneo Dalogdog, ug gidugang niini nga gahapon palang ilaha nang gipang deploy ang kapulisan sa nagkaiyang lugar sa Sugbu nga sagad daghang tawo sama sa Terminal, Pantalan ug Simbahan.
Dugang pa, nga sa unang adlaw nga kalihokan sa semana santa nga Palm Sunday wala silay natala nga mga dagkong panghitabo sa tanang simbahan.
Giklaru usab niini nga naay mga pulis ug naay mga police assistance desk ang tanang Simbahan, arun sa ingun maka assist sa mga manimbahay ingun man ang mga tarpualin arun magpahimangnu sa katawhan.
Gitino sa opisyal nga wala na sila nikuha ug mga augmentation sa nagkadaiyang unit sa Region-7, ug ilaha nalang gi maximize ang mga kapulisan sa Sugbu.
Dugang pa, nga sa mga area nga naay dagkong kalihukan sama sa Buhing Kalbaryo nga sakop sa Station 6, ilahang padalhan ug kapulisan sa laing Police Station nga naa sa Sugbu nga walay kalihokan kaayu ang area arun sa pagtabang sa paghan-ay sa kalinaw.
