CEBU CITY-Nibiya ang kapuyo ni Angela Arcila nga si Jomart Mahusay og ni larga paingon sa Aloguinsan Cebu.
Kahinumduman nga wala nakatambong ug wala nakahatod si Jomart sa lubong sa iyang kapuyo nga si Angela Arcilla niadtong Enero 7 tungod kay giimbitar kini sa Brgy.Hall sa Sudlon II bukirang bahin sa syudad sa Sugbo subay sa nagpadayong imbestigasyon sa kamatayon sa iyang kapikas.
Gibutyag sa amahan ni Angela Arcilla nga si Richard Arcilla nga dili sad pwedi maka detain ang mga pulis ni Jomart tungod kay wala igo nga ebidensya og walay mga witness nga mag tumbok ni Jomart nga maoy nipatay sa iyang Asawa.
Dugang niini, ang mga ginikanan ni Angela nag tuo gyud nga gipatay ilang anak ug wala kini magkutlo sa iyahang kaugalingon, sukwahi sa gisulti ni Jomart nga nagkulto ang iyang Asawa hinungdan nga namatay apan wala lang siya mu saba tungod sa kahadlok nga mao ang basolon.
Sa pagkakaron, anaa na sa kustodiya sa kapulisan ang dugang ebidensya sa maong kaso lakip niini ang tuwalya nga gitumbok ni Jomart nga gigamit sa biktima sa pagkutlo sa iyang kinabuhi.
