Nakurat ang managsilingan nga sila si Rey Lause ug Limo Timogan nga taga Pampanga sa ilang nadiskobrehan nga mga karaang sensilyo, bulawan, ug alahas gikan sa nuno sa punso nga giingong ilang nakalot sa usa ka bakanteng lote.
Matod sa duha, nakaplagan nila ang usa ka itom nga kahon kaniadtong Mayo 11, nga adunay sulod nga mga karaang tinag-piso nga kaniadtong pang 1972 ug 1974, ingon man mga sensilyo sa US ug usa ka perlas nga kwintas.
Bisan tuod giangkon nila nga nahadlok sila sa posibilidad sa kasuko sa mga duwede nga nagpuyo sa maong mga punso, sila nagtuo nga kini mahimong usa ka panalangin gikan sa mga binuhat.
Ingon man nga ilang gihimakak usab nga sila mismo ang naglubong sa ilang mga nahakot human nga nakaani kini og nagkandaiyang reaksyon human nga ila kining gi-vlog.
Samtang ang tag-iya sa yuta nagdumili sa paghatag og komento tungod kay wala sila nananghid sa nasampit nga tag-iya.
Gisusi usab sa usa ka antique collector ang kantidad sa mga nakuha nga mga butang ug daghan ang naghulat kung kini ba kay magdala kanila sa haruhay nga kinabuhi.
