CEBU CITY-Ibalik na ang karaang’ rota sa mga procession sa Fiesta Señor karong Enero 2024 kini human sa pipila ka adlaw nga pagsusi ug sa coordination meeting tali sa kagamhanan, sa kadagkuan sa Basilica minore Sto Niño ug ubang sektor.
Gianunsyo kagahapon adlawa, Disyembre 21, 2023 ni Cebu City Mayor Michael Rama nga traditional na nga rota moagi ang tanang prosesyon nay kalabotan sa kapistahan ni Señor Sto Niño sunod tuig.
Pasabot niinii, ang walk with Jesus, walk with Mary ug ang Solemn Foot Procession moagi sa naandan nga agianan diin nagikan sa Fuente Osmeña pabalik sa Basilica.
Kahinumduman nga unang gianunsyo sa mga organizer ug sa Simbahan nga giusab nila ug gipamub-an nila ang rota sa mga prosesyon sa Fiesta Señor nunot sa nagpadayon nga construction sa Cebu Bus Rapid Transit kon BRT dinha sa Osmeña Boulevard.
Gimando karon ni Mayor Rama ngadto sa contractor nga paspasan ang trabaho gikan sa Jones Avenue ngadto Osmeña Boulevard aron nga mabalik sa traditional nga rota ang maong procession.
