CEBU CITY-Karma sa mga luha sa kabos ang preventive suspension order ni Mayor Michael Rama gikan sa Ombudsman, kini ang pamahayag ni Winefredo Miro, ang Presidente sa Carbon-hanong Alyansa.
Gitumbok pa ni Miro nga daghang gipang-demolish nga mga gagmayng manindahay nga mitulo nalang sa luha sa kawad-on sa ilang panginabuhi-an, gumikan sa pagpabor ni Rama sa privatization sa Carbon Market, maong gigukod na kini sa karma.
Asoy pa sa Pangu sa Carbon-hanong Alyansa, nga gawas sa nasinati karon nga suspension ni Rama kay dili pani mao, gumikan kay aduna pa silay kaso nga gipasaka sa Carbon-hanong Alyansa ug naghuwat ra kini mudagan ang ligid sa hustisya.
Dugang pa ni Miro nga gipang-psywar ang pipila ka mga manindahay sa Carbon Market aron mutiwalag sa akbokasiya sa grupo sa pagsupak sa privatization sa maong merkado.
