CEBU CITY-Giklaro sa Cebu City Market administrator nga si Junel Matugina nga safe gihapon ang karneng baboy nga gibaligya sa kamerkadohan sa Sugbo.
Kini human nga basi sa ilang monitoring, wala nakasulod ang gitoohang African Swine Flu (ASF) sa Sugbo.
Kini pinasubay na usab sa gi-umol nga task force ni Cebu City Mayor Edgardo Labella nga maoy magmonitor ug mag-inspeksyon para masiguro nga luwas ang mga karne nga paliton sa mga konsumidor ug ingon man ang pagsiguro nga walay makasulod nga swine disease sa dakbayan nga mamahimong makaguba sa swine industry.
Dugang pa usab ni Matugina nga gawas nga safe nga makaon ang karne ug walay angay kabalak-an, wala usab misaka ang presyo niini.
Una nga gibanned sa Provincial government ang entry sa imported meat products sa lalawigan para sa paglikay sa sakit nga miigo sa mga baboy sa Luzon area nga gikamatay sa ubay-ubay.(Report ni Bombo Jun Salde)
