CEBU CITY-Nagpabiling taas ang kaso sa dengue diri sa dakbayan sa Sugbo matod pa ni Cebu City Councilor Jocelyn “Joy” Pesquera, ang Chairman sa Committee on Health sa kagamhanang dakbayan sa Sugbo.
Matud pa sa Konsehal atol sa pakighinabi niini sa Bombo Newsteam nga sumala sa datos sa City Health Department nga anaa na sa 764 ang mga kaso sa dakbayan ug 10 na ang natala nga nangamatay sa maong sakit.
Sa milabay buwan sa Agosto mas taas na ang kaso sa dengue sa dakbayn og nagpadayon kini sa buwan sa Septiyembre nga kun itandi sa milabay nga tuig kay adunay kini taas kaayu nga pag-usbaw.
Dugang pa nga mahitungod kini sa padayong nasinati sa dakbayan sa mauwanon nga panahon atol sa seasonal weather pattern sa nasud karong ber-months.
Ingon man padayong nagpahimangno ang konsehala sa publiko sa search-and-destroy sa paglimpyo sa dapit aron mailikay ang pagpanagdan sa lamok nga nagdala sa sakit nga dengue.
