MANDAUE CITY-Gitutukan sa Mandaue City Health Office (MCHO) ang kaso sa dengue tungod sa makapaalarma nga pagsaka sa ihap niini diin subay sa ilang natala nga niabot na kini sa 465 niadtong Agosto 27, 2024 ug anaa na sa upat ang gikatahong namatay.
Mao kini ang gipaambit ni Dr. Debra Maria Catulong, ang head sa MCHO nga tungod sa maong kabalaka, gipahingusgan ang ilang mga lakang arun sa pagpugong ug paghatag og kahibalo sa publiko alang sa angayang buhaton sama sa pagpahigayon og dengue awareness session, clean up drive ug uban pa.
Ingon man nga misampit na usab sila og laing buhatan alang sa pagtabang sa pagmonitor ug pagsabwag og impormasyon ngadto sa katawhan.
Gidugang sa opisyal nga aduna sila’y gitawag nga top 5 nga barangay nga adunay taas nga kaso diin nag-una niini ang Barangay Tabok, Paknaan, Canduman, tipolo ug ang Looc.
Hinungdan gidasig sa buhatan nga sundon ang 4s nga gi-implementar sa Department of Health; Search and destroy Self protection measure, Say no to Indiscriminate fogging ug ang seek early consultation.
