CEBU – Gibutyag sa Philippine Medical Association (PMA) , nga sagad nga mosaka ang mga kaso sa diarrhea o kalibanga sa mga bata atol sa panahon sa ting-init gumikan kasagaran kanila aksidenteng maka-inom og hugaw nga tubig sa pool o dagat.
Isip kabahin sa World Immunization Week gikan Abril 24 hangtod 30, gihimug-atan sa presidente sa PMA nga si Dr. Benito Atienza ang kamahinungdanon sa Rotavirus vaccine nga makapugong sa rotavirus disease nga mahimong hinungdan sa diarrhea.
Tata ni Atienxa, nga panahon sa summer uso na usab ang mangaligo sa nagkadaiyang pool o beach resort ug daghan na usab ang makagawas nga bata maong gi-awhag nini ang mga ginikanan nga pabakunahan ang ilahang mga bata sa Rotavirus vaccine.
Nipasidaan usab kini batok sa nagbalikbalik nga sakit sama sa ubo ug sip-on sa mga bata tungod daghan na kanila ang wala magtagad sa minimum public health standards sama sa paggamit og face mask ug paglikay sa mga lugar nga daghang tawo.
