CENTRAL VISAYAS-Mianunsyo ang buhatan sa National Nutrition Council – Central Visayas (NNC-7) nga ang status sa malnutrition sa rehiyon sa Central Visayas kay adunay “modestly decline” trend niadtong tuig 2024 sa mga nagkadaiyang klase sa malnutrituion nga nakaapekto sa mga batang nag-edad og 5-anyos paubos.
Kini ang gipahibalo sa NNC-7 niadtong nakalabayng Biyernes Pebrero 28 sa First Quarter Meeting of the Media Informaton Network for Nutrituion and Development (MIND-7).
Nanukad kini gikan sa resulta sa 2024 Operation Timbang Plus (nga usa ka tinuig nga timbangan activity sa mga batang nag-edad og 0-59 months old) kay adunay nasayrang nga nagkunhod sa prevalence ug magnitude sa stunting (pagka-putot) gikan sa 7.2% sa 2023 nga anaa sa 47,842 ka mgabata ngadto nalang sa 6.7% 38,080 ka mga bata sa 2024.
Lain gisukod niini ang pagka-niwang nga gikan sa 1.4% niadtong 2023 sa 9,473 ka mga bata kay ngadto nalang sa 1.3% o anaa sa 7,118 ka mga bata sa 2024.
Ang pagka-ubos sa timbang o underweight kay gikan sa 3.2% sa 21,481 ka mga bata sa 2023 kay ngadto nalang sa 3.0% sa 17,229 ka mga bata niadtong 2024.
Giklaro sa NNC-7 nga ang mga nagkadaiyang porma sa malnutrition kay naghulagway sa nagkadaiyang kahimtang sa kinabuhi sama sa pagka-putot kay timaan sa long-term malnutrition; pagka-niwang nga timaan sa acute malnutrition ug uban pa.
Ang pagkunhod sa numero kay nagtimaan sa epektibong programa sa rehiyon ilabi na batok malnutrition pinaagi sa nutrition program management.
Padayon pang hinaot niini nga ang malungtarong kalambuan sa maong natad sa rehiyon aron masustentohan ang pagtubo sa mga kabatan-onan.
