LAPU-LAPU CITY, CEBU-Nisaka ang sa kaso sa pagpanglugos sa Siyudad sa Lapulapu gikan sa Abril hangtud sa Hunyo niining tuiga itande sa susamang mga buwan sa niaging tuig.
Gibutyag sa Hepe sa Women and Children Protection Desk (WCPD) sa Lapulapu City Police Office, Capt. Rowena Peñaflor nga niabot og napulo ka mga kaso sa pagpanglugos ang nidangog sa iyang buhatan gikan sa Abril ug sa unang duha ka semana sa Hunyo samtang upat lang sa niaging tuig
Matud ni Peñaflor nga sagad sa mga biktima mga tinun-an nga mokuyog ug moapil og inum uban ang ilang classmate nga lalake. apan ubang suspek kabanay lang sa biktima.
Pulos na hinuon nailhan ang suspek sa kasong rape ug gipasakaan na og mga kaso.
Nunut niini, gihugtan sa Kapulisan sa Lapulapu ang kampanya arun malikay nga mabiktima sa pagpanglugos ang mga tinun-an ug ubang Kababayen-an ilabi na mga minor de edad
Nagbutang na og tarpaulin ang Kapulisan nga nagpahimangno sa Kababayen-an ilabi na mga tinun-an arun malikay nga mabiktima sa pagpanglugos.
