CENTRAL VISAYAS-Mokabat na sa 17 ka kaso sa rabies ang natala sa Cebu City, tunga-tunga pa lang sa tuig 2024, nga hapit na molapas sa 17 ka kinatibuk-ang kaso sa rabies nga natala niadtong 2023.
Kini ang gipahibalo ni Dr. Alice Utlang, pangulo sa Cebu City Department of Veterinary Medicine and Fisheries (DVMF), nga kasagaran sa maong mga kaso naglambigit sa mga iro.
Matud ni Utlang nga ang natala nga kaso sa rabies sa 2024 gikan sa barangay sa Mabolo, Basak San Nicolas, Lahug, Tisa, Cogon, Carreta, Tinago, Barrio Luz, Hermita ug Zapatera.
Samtang ang mga kaso sa rabies nga natala niadtong 2023 gikan sa mga barangay sa Guadalupe, Inayawan, Lahug, Punta Princesa, Kinasang-an, Pit-os, Tisa, Tejero ug Duljo Fatima.
Ang pinakataas nga natala nga kaso sa rabies sa dakbayan sa Sugbo niadtong 2021 nga ni-abut sa 28-kabook.
Matud ni Utlang nga kadaghanan sa mga kaso sa rabies nga natala niadtong 2024 naglambigit sa mga iro sulod sa ilahang
panimalay.
Gipahinumdoman ni Utlang ang mga tag-iya og iro nga pabakunahan ang ilang mga binuhi batok sa rabies.
Sa laing bahin, gitino usab niini nga dili na nila i-impound ang himsog nga mga iro aron malikayan ang paghuot sa impounding facility sa Barangay Adlaon.
Kini gumian ay lahang unahon sa pag-impound ang mga dili maayo ug ihalas nga mga iro.
