CENTRAL VISAYAS-Gikatahong nisaka sa sobra sa 50% ang kaso sa rabies sa Central Visayas sulod sa unang duha ka quarter karon tuiga.
Mao kini ang natala sa Department of Health Central Visayas Center for Health Development o kon DOH-7, diin niabot sa 59,000 ang kaso.
Matod pa ni Dr.Jessica Maribujoc, ang pangu sa Cebu City’s Department of Veterinary Medicine and Fisheries (DVMF), nga kon itandi sa unang duha ka ka quarter sa nakalabayng tuig nga anaa lang sa 30,000, makita nga adunay pagsaka nga naka-alarma sa buhatan.
Dugang pa, nga ang pagsaka sa gidaghanon sa kaso sa rabies tungod usab sa pagtaho sa publiko sa mga mapaakan ug sa mga nagkadaghan nga nagpatambal sa ilang mga tagsa-tagsa ka mga Animal Bite and Treatment Centers lukop Rehiyon 7.
Samtang adunay 19 nga suspect rabies death sanglit nataho na kini nga namatay ang mga pasyente ug ingon man nga sagad sa mga animal bites tungod sa mga binuhing iro ug iring.
Subay niini, nanawagan si Maribujoc nga iduso ang ‘responsible pet ownership’ sa mga nanag-iya og mga pet dogs ug cats sa dakbayan sa Sugbo.
