LAPU-LAPU CITY-Gipasakaan na ug kasong murder ang nagpusil patay sa Special Assistant for Market Operations sa merkado publiko sa Siyudad sa Lapulapu nga si Christopher Jay Ceniza.
Matud ni Police Lt. Col. Christian Torres, ang tigpamaba sa Lapulapu City Police Office, nga apil sa pasakaan og kaso ang gunman, driver sa motorsiklo, middleman ug mastermind sa pagpatay ni Ceniza.
Subay niini, mitambong si Barangay Pajo Barangay Konsehal Jill Ceniza, ang asawa ni Ceniza sa pagsang-at sa kaso, ingun man sila si Mayor Junard “Ahong” Chan, City Police Director, Coronel Elmer Lim, CIDMU chief, Lt. Col. Christian Torres.
Mahibaw-an na usab ang mastermind sa kasong pagpatay kang Ceniza.
Kung kahinumduman, gipusil patay ang biktima samtang nagsupervised sa market fees collection niadtong gabii sa Enero 2, 2024 didto mismo sa merkado publiko.
