CEBU CITY-Tak-om pa ang baba sa lawyer Broadcaster nga si Juril Patiño human nga nakitaan og igo nga basihan sa Cebu City Prosecutor’s Office para masang-at na sa korte ang kasong rape nga gipasaka batok kaniya.
Kini human nga adunay 13 anyos nga dalagita ang nagfile og complaint batok ni Patiño nga siya gilogos sulod sa sakyanan niini sa may Zamora St., Baranggay Pari-an, dakbayan sa Sugbo niadtong Hulyo 4 sa miaging tuig.
Matud sa Prosecutor nga si Alex Gabud nga tungod sa statement sa biktima og ingon man sa medical examination niini nga nagpakita og resulta nga duna gyud laceration sa iyang hymen mao ang igo nga basehan nga masang-at sa korte suprema ang kaso nga rape ug dili kini pwede nga makapyansa.
Dugang pa niini, posible usab nga palutsan na og warrant of arrest ang laywer broadcaster.
Samtang wala pa muhatag sa iyang habig si Patiño sanglit wala pa man matud pa siya nakabasa pa sa gipagawas nga resolution.
