CENTRAL VISAYAS-Gipamatud-an pag-usab sa kasundaluhan sa kabisay-an ang ilang dili matarug nga pasalig nga pildihon ang CPP-NPA sa Visayas region.
Kini ang gitumbok ni Lieutenant General Benedict M Arevalo PA, ang Kumander sa VISCOM atol sa 2nd Quarter VISCOM’s Multi-Sector Advisory Board (MSAB) Meeting.
Dugang pa, nga ilahang tutokan ang pagpildi sa kaaway ug aron mabalanse kini, angay usab silang higugmaon sa katawhan, kini gumikan kay dili nila mapildi ang mga walhong groupo kung walay supporta ug paghigugma sa katawhan.
Atol sa maong tigum, gipresentar sa VISCOM ngadto sa advisory board ang Command’s Scorecard, diin ang tanan nga Strategic Objectives niini nahisubay ug nakatampo sa Scorecard sa Chief of Staff sa AFP.
Gawas niini, ang maong mga estratehikong tumong klarong nagpakita sa mga prayoridad nga programa sa VISCOM nga gitumong sa pagtapos sa lokal nga komunistang armadong panagsangka sa rehiyon sa Visayas.
Mipadayag usab sa iyang hingpit nga suporta ang Arsobispo sa Sugbo, Most Reverend Jose S Palma,
kinsa mao usab ang Chairperson sa MSAB sa mga prayoridad nga programa sa VISCOM, nga nag- ingung anaa sila para mo-supporta sa mga programa sa Visayas Command arun sa ingun makita ug makab-ot ang ilang tumong ug katuyoan.
Gipahayag ni Lt Gen Arevalo ang iyang pasalamat sa mga miyembro sa MSAB sa ilang hilabihang suporta, samtang gipasiugda pa niya ang ilang katuyoan nga mapadayon ang ilang mga kadaugan batok sa CPP-NPA.
Ning bag-ohay lang, nakahimo ug mahinungdanong kadaugan VISCOM, batok sa CPP-NPA para sa 1st Semester sa 2023, butang nga nakadawat sila ug Sa 12 ka awards.
