CEBU – Nagpunsisok ang mga nagparehistro sa COMELEC registration center atol sa katapusang adlaw sa voters registration niadtong adlawng Sabado, Hulyo 23.
Kini ang gipahibawo ni Atty. Lionel Marco Catillano, ang election supervisor sa Comelec Cebu-Province apan gitino nga ila gihapon nga gi-accommodate ang mga nagparehistro sa alas-3 sa hapon kung diin mao kini ang oras nga ting cut-off subay sa resolusyon sa Comelec kalabot sa kataposang adlaw sa pagparehistro sa mga botante.
Gitataw ni Castillano nga wala silay nadawat nga kamandoan kon aduna bay extension sa voters’ registration alang sa Sangguniang Kabataan ug Barangay elections karong umaabot Disyembre 5, 2022.
Gawas niini, nihangyo usab sila sa kongreso nga hatagan silag konkreto nga go signal kung madayon ba o dili ang maong election gumikan mangandam pa usab ang COMELEC alang sa mga butang nga gikinahanglanon.
