CEBU CITY-Nagkasagol nga reaksyon ang gisugat sa usa ka Binibining Pilipinas contestant gikan sa lalawigan sa Sugbo tungod sa pagsul-ob og costume nga susama sa relihiyoso nga sapot sa imahen sa Santo Nino.
Ang kontrobersyal nga costume sa contestant nga si Joy Dacoron unang nakakuha og mga pagsaway dihang gi-post kini sa official Facebook page sa Binibining Pilipinas niadtong Martes, Mayo 16.
Gibutyag ni Monsignor Joseph Tan, ang tigpamaba sa Archdiocese of Cebu, nga walay pagtugot nga kinahanglang ihatag sa team sa Dacoron aron gamiton ang mga bisti sa Santo Nino o ang Batang Hesus isip pageant costume.
Gumikan sa maong isyu nihatag usab ug komento ang Vice President sa Laity of the PH. Dr. Rene Josef Bullecer ug matud pa niya nga dili kini maayo gumikan kay sama ug gabugal bugal sa balaang bata gumikan kay lalaki ang santo unya sundugon ug babaye ingun man maka apekto kini sa kultura, tradition ug relihiyosong aspeto.
