Nagsaulog na usab ang Pilipinas sa natad sa international pageantry human makoronahan si Ma. Katrina “Kat” Llegado isip Miss Supranational 2026 sa Poland Sabado, Agosto 1 (oras sa Pilipinas).
Gipildi ni Kat ang 66 ka uban pang mga kandidata gikan sa nagkadaiyang nasod aron angkonon ang ikaduhang Miss Supranational crown alang sa Pilipinas.
Sa final question-and-answer round, gipamatud-an ni Kat ang iyang pagtuo nga ang usa ka babaye dili kinahanglang basta-basta lang mouyon sa isulti sa uban.
Usa usab ka military reservist sa Philippine Air Force si Kat, kung diin, susama nga gipaboran sa kapalaran ang dalaga human gipasa ngadto kaniya ang korona gikan ni Eduarda Braum sa Brazil.
Uban sa maong koronasyon, gipaila usab sa organisasyon ang bag-ong Fioletowa Crown, nga gidisenyo sa Venezuelan jeweler nga si George Wittels ug nagpakita kini og mga mabulukon nga gemstones isip simbolo sa ambisyon, dignidad, ug kalampusan sa usa ka babaye.
Ang kadaugan ni Katrina Llegado maoy naghatag sa Pilipinas sa ikaduhang korona sa Miss Supranational, 13 ka tuig human sa makasaysayanong kadaugan ni Mutya Datul niadtong 2013.
