-- ADVERTISEMENT --
CEBU – Gibana-bana nga katunga sa Nivel Hills, Barangay Apas, syudad sa Sugbo, ang nawagtangan ug supply sa tubig.
Gipahibalo ni Edna Inocando, ang tigpamaba sa Metropolitan Cebu Water District (MCWD), nga dako ang ‘coverage’ sa naasoy nga lugar ang nawagtangan ug supply gumikan sa pagkabuslot sa ilahang mainline.
Matud pa, nagpadayon ang operasyon sa Dito Telecommunications Company sa naasoy nga lugar ug na-igo sa backhoe ang mainline sa MCWD.
Sigon ni Inocando nga 24/7 nagtrabaho karun ang ilahang mga technical team, apan wala pa kini mahatag nga timeline kung kanus-a mahuman ang pag-repair sa maong mainline.
Hinuon, gisiguro niini nga adunay mga water trucks nga nag-supply ug tubig sa mga apektadong residente sa Nivel Hills.
-- ADVERTISEMENT --
