Giklaro ni Executive Secretary Lucas Bersamin nga kaugalingong opinyon ni Presidente Ferdinand Marcos Jr., ang iyang gipagawas nga pamahayag kalabot sa kontrobersyal nga Senate Bill No. 1979.
Matud ni Bersamin nga ang pamahayag sa Presidente bahin sa iyang pagsupak sa pagtudlo sa ‘masturbation’ maoy iyang personal nga opinyon isip ginikanan.
Gipasabot usab ni Bersamin nga komon ang halapad nga kinaiya sa mga pulong, mao nga bisan og gipanghimakak ni Hontiveros nga ang iyang orihinal nga sugyot adunay kalabotan sa pagtudlo sa masturbasyon, posibling mao kini ang connotation sa gibasa sa Presidente.
Naghatag usab si Bersamin og personal nga opinyon bahin sa sugyot, ug isip ulo sa pamilya, supak siya sa SB 1979.
Apan iyang giklaro nga wala kini magpasabot nga hukman ang balaudnon.
