CEBU CITY-Gisuportahan ni Cebu City Mayor Michael Rama ang amendment sa economic provisions ubos sa 1987 Constitution, kini ang iyahang nahimong pamahayag atol sa Committee on Constitutional Amendments and Revision of Codes ilabi na sa economic provisions nga gipahigayun sa Sugbu,karung adlawa Huwebes, Marso 16, 2023.
Dugang pa ni Rama, nga walaon na ang kahadlok ug ablihan na ang mga kaugalingun ug hangapon ang kabag-ohan, apil na ang pag amendar sa konstitusyon, arun sa ingun daghang mga imbistor nga musulod sa Nasud ug makatabang sa pagpalambo sa ekonomiya.
Kini subay sa Senate Committee on Constitutional Amendments and Revision of Codes nga gipangulohan ni Sen. Robinhood Padilla sa ilang nationwide public hearings sa Resolution of Both Houses No. 3; ug Senate Resolution No. 6, nga nagsugyot og mga kausaban sa economic provisions sa Konstitusyon.
Una nang nipadayag si Senador Robin Padilla nga ang pag-amendar sa mga probisyon sa ekonomiya ubos sa 1987 Constitution gisuportahan ni Cebu City Mayor Michael Rama ug Cebu Governor Gwendolyn Garcia atul sa iyang pagbisita sa mga top executives sa Sugbo.
