CEBU CITY-Modawat na usab og mga turista ang sikat nga Kawasan Falls human sa duha ka tuig nga rehabilitasyon.
Diin gikatakda ang opening karung Huwebes, Oktubre 26, 2023.
Kini nagpasabot nga ang canyoneering activities sa falls, ingon man sa Matutinao River, mobalik usab.
Ang Kapitolyo na ang mipuli sa pagdumala ug pag-regulate sa mga operasyon sa turismo sa maong lugar,diin usa ka responsibilidad sa lokal nga kagamhanan sa Badian kaniadto.
Kini aron mahatagan ang dalan alang sa pag-uswag sa mga operasyon sa turismo ug pagsiguro sa mga regulasyon sa kaluwasan, giingon sa probinsya.
Gawas sa Kawasan Falls, gipahibalo usab sa kagamhanang probinsyal nga ilang tugotan ang mga operator sa turismo sa canyoneering sa kasikbit nga mga lungsod sa Malabuyoc ug Ginatilan, nga una nang gisuspenso tungod sa safety concerns.
Karong Huwebes, ang Kapitolyo mopahigayon usab og graduation ceremony alang sa kapin 900 ka mga tourist guide nga nakahuman sa ilang pagbansay-bansay gikan sa mga regulators.
