Kawatan nga migamit og Blowtorch para ablihan ang ATM Machine imbis maabli, na ‘sealed’ hinoon

OKALOOSA ISLAND, Fla. (AP) — Nahimong kataw-anan ang nahitabong pagpanglungkab unta sa usa ka ATM Machine sa Boardwalk sa Okaloosa Island sa dihang ang duha ka kawatan ang migamit og blowtorch o soplete apan nawelding hinoon niini ang bisagrahan og nasira.

Nakita ang maong panghitabo sa footage sa usa ka CCTV camera sa naasoy nga lugar kung diin makita nga misulod ang duha ka lalaki–ang usa nagdala og bara nga maoy look out samtang ang usa nagdala sa blowtorch para pang-abli unta sa ATM.

Tungod kay nawelding sa duha ang bisagra, imbis maabli ang ATM machine,nasira na hinoon kini hinungdan nga walay nadawdaw ang mga kawatan.

Padayon usab karon kini silang gipangita sa mga kapulisan.