Keir Starmer, dili gusto ipadayon ang plano sa sa deportasyon sa migrante sa Rwanda

Gipahibalo sa bag-ong Prime Minister sa UK nga si Keir Starmer nga dili siya andam nga ipadayon ang plano sa pagdeport sa migrante sa Rwanda sa miaging gobyerno.

Matud pa ni Starmer nga ang Rwanda scheme dugay ng gilubong ug dili kini andam nga ipadayon.

Ang bag-ong napili nga UK Prime Minister nagsugod sa iyang unang tibuok adlaw sa katungdanan niadtong Sabado pinaagi sa usa ka miting sa gabinete, human sa mahukmanong kadaugan sa eleksyon sa iyang Labour party nga nahuman sa 14 ka tuig nga pagmando sa Konserbatibo.

Gitawag ni Starmer ang una nga miting sa iyang koponan, kauban si UK’s first woman finance minister Rachel Reeves ug ang bag-ong foreign minister nga si David Lammy.