Andam nga motestigo ang self-confessed drug lord nga si Kerwin Espinosa sa International Criminal Court (ICC) sa The Hague, Netherlands kalabot sa war on drugs ni kanhi Presidente Rodrigo Duterte.
Matud ni Espinosa human sa pakyas nga assassinate kaniya, kay motestigo kini aron makuha ang hustisya sa iyang amahan nga si kanhi Albuera Mayor Rolando Espinosa Sr.
Gipadayag usab ni Espinosa ang iyang kaluoy sa kanhi Presidente nga napriso sa The Hague tungod kay tiguwang na kini apan niinsistir nga adunay mga balaod nga kinahanglan sundon ug ang mga kaso nga ipasaka batok kaniya kinahanglan nga matubag.
Kahinumduman nga si Kerwin nakaangkon og samad pinusilan human kini gipusil sa Barangay Tinag-an samtang nangampanya samtang naangol usab ang iyang running mate ug igsuon nga si Mariel Espinosa Marinay ug menor de edad nga anak sa usa ka kandidato.
Sa pagkakaron gikustodiya sa mga otoridad ang pito ka mga pulis gikan sa Ormoc City nga gitumbok nga persons of interest sa pagpusil kang Espinosa.
Kahinumduman nga si Kerwin Espinosa nasikop sa Abu Dhabi niadtong 2017 human nilayas sa Pilipinas nunot sa kamatayon sa iyang amahan.
Gipasakaan kini og daghang kaso nga may kalambigitan sa ilegal nga drugas apan gibasura kini sa nagkadaiyang Regional Trial Courts tungod sa kakuwang sa igong ebidensiya.
