CEBU CITY-Gisiguro ni Police Director General Ronald dela Rosa nga dili na makalingkawas sila si Kerewin Espinosa, Peter Co ug Peter Lim sa kaso sa iligal nga bdrogas nga ilang gikalambigitan.
Matud ni Dela Rosa nga bisan ug nasagmuyo sila kaniadto sa pagbasura sa DOJ sa kaso nga gisang-at batok sa mga inilang druglord ug mga personalidad nga nalambigit sa iligal nga drogas.
Mapasalamaton usab kini karon human gi-bawi ni DOJ secretart Vitaliano Aguirre II ang maong desisyon. Matud pa sa PNP Chief nga giandam nila karon ang mga ipuno nga mga ebedensya aron masiguro nga manubag gayud ang mga nagpaluyo sa negosyo sa iligal nga drogas sa nasud.
Gihimug-atan niini nga dili angay nga makalingkawas sila si Lim sanglit si Kerwin mismo kinsang mitug-an sa iyahang iligal nga negosyo maoy nitumbok kang Lim isip tigsupply sa iligal nga drogas kaniya.
Gidugang pa usab ni Dela Rosa nga padayon nilang gi monitor ang lihok ni Lim ug gikompirmar niini nga naa pa s8i Lim sa Pilipinas.
