Malipayong gipaambit sa reality star ug model nga si Kim Kardashian nga usa na siya ka abogado.
Sa iyang social media account, gipaambit niya ang daghang mga litrato ug video nga adunay background nga daw gikan sa usa ka seremonya sa gradwasyon.
Madungog usab ang tingog sa iyang igsuon nga si Khloe nga nagkanayon “Surprise Graduation”.
Sa pikas bahin, si Jessica Jackson, ang abogado nga nakatrabaho ni Kardashian sa panahon sa iyang pagtuon, miingon nga ang modelo determinado nga makahuman sa iyahang degree sa abogasiya.
Giingong walay mga shortcut nga gihimo ug hinuon, nagpakita kini og dakong paningkamot.
Siya midugang nga iyang nasaksihan ang mga paningkamot ni Kardashian, nga iyang gihiusa sulod sa unom ka tuig nga edukasyon ug 5,184 ka oras nga legal nga pagtuon.
Ang karon nga adbokasiya ni Kardashian naa sa criminal justice, nga miresulta sa pagpagawas sa daghang mga tawo, sama ni Alice Marie Johnson, nga first-time nonviolent drug offender.
