Gidepensahan ni Veronica Duterte o mas nailhan nga “Kitty” ang iyang igsoon nga babaye, nga si Bise Presidente Sara Duterte, kinsa nag-atubang karon og mga kaso sa impeachment sa House of Representatives.
Sa social media, gipamatud-an ni Kitty Duterte ang integridad sa iyang igsoon.
Matud niini nga kaila siya sa iyang igsuon, nasayod kini sa daghang nahimo, apan dili kini kawatan, ug dili siya mamakak.
Ingon man nga malaumon kini nga malampos sa iyang igsoon ang kalisod nga iyang giagian.
Samtang, si Kitty Duterte anaa karon sa The Hague diin ang iyang amahan, si Kanhi Pres.. Rodrigo Duterte, natanggong tungod sa kasong krimen batok sa katawhan.
Gipaambit usab ni Kitty nga wala niya gisultihan ang iyang amahan bahin sa impeachment aron dili na kini makadugang sa iyang gipas-an.
