CEBU CITY- Mopahigayun usab og imbistigasyun ang kapulisan sa Dakbayan sa Sugbu sa Collector/Technician sa kompanya nga ‘kiosk gcash’ machine nga si John Mark Ballientos, kini subay sa kwarta nga nanglupad sa SRP sa nakalabay nga adlaw.
Kini ang gitino ni Police Colonel Ireneo Dalogdog, ang City Director sa Cebu City Police Office, nga ilahang e-background check ang naasoy nga collector ug wala nila giwala ang mga possibilidad nga adunay mga panghitabu o kakulian sa wala pa ang insidente.
Dugang pa, nga kwestyonable usab alang kanila nga sa kadako sa kantidad wala gisakay sa armored car o di ba kaha sa taxi man lamang.
Gitino sa opisyal, nga wala nagpasabut nga siya ang nawalaan gawasnon na siya sa imbistigasyun sa kapulisan,wala kini nagpasabut nga maoy iyahang binahatan apan dili kwaon sa kapulisan ang maong anggulo.
Aduna nay mokabat sa P58,600 nga cash ang nauli sa mga police station gahapong adlawa Hulyo 6, 2023, gikan sa kuwarta nga nahulog.
Dugang pa, nga nakig alayon na usab sa management sa Cebu-Cordova Link Expressway CCLEX ang kapulisan sa dakbayan sa Sugbo aron makakuha og kopya sa mga close circuit television video (CCTV) sa dapit diin nahitabo ang pagkatagak sa minilyon nga kwarta.
Kon duna na silay makuha nga plate number sa mga sakyanan ug mailhan kini pinaagi sa Land Transportation Office ila kining ipatawag aron ipakita ang video sa pag pamunit sa kwarta nga dili ilaha.
Kon magmagahi gyud kini sa pag balik sa maong salapi mipahibawo si dalogdog nga ila gyud nga pasakaan og kaso ngadto sa korte.
