Komedyanteng si Dagul, nanawagan og tabang sa kaubang artista

Nangayo og tabang sa iyang mga kaubang artista ang komedyanteng si Romeo “Romy” Pastrana, nga nailhan usab nga Dagul.

Kini human siya nakaatubang og hagit sa kinabuhi.

Ang 66-anyos nga komedyante miingon nga naglisod siya sa pinansyal tungod sa kakulang sa mga proyekto. Hinuon, anaa na sa maayong kahimtang ang iyang panglawas karon kon itandi sa miaging tuig nga kanunay siyang anaa sa ospital.

Pipila sa mga sakit nga iyang gihisgutan mao ang sleep apnea, sakit sa baga, ug ang iyang mga kidney gimonitor usab.

Naa usab siyay problema sa iyang mga tuhod tungod kay dili na siya makalakaw og tarong ug makatindog og tul-id.