Gikompirmar ni Palace Press Officer USec. Claire Castro nga nahimong hingpit nga balaod na ang Konektadong Pinoy bill.
Matod ni USec. Castro, ubos sa 1987 Constitution, ang bisan unsang balaodnon nga dili mapirmahan o unvetoed sa Presidente sa nasud awtomatik nga mahimong balaod kini.
Gikanayon usab nga ang Konektadong Pinoy Bill o ang Open Access in Data Transmission Act nagtumong sa pagpauswag sa internet access pinaagi sa pagpadako sa kompetisyon sa mga service providers, partikular sa hilit nga mga dapit ug palibot sa mga eskwelahan.
Ingon man nga alang sa mga nagsuporta sa nasangpit nga balaod, maayong balita kini tungod kay makadugang kini sa kompetisyon ug makapaubos sa gasto sa internet.
Bisan paman nga ang pipila nga mga players sa industriya nagpahayag og mga kabalaka bahin sa giingon nga balaod, nga nagtumong sa pagtugot sa bag-o ug gagmay nga mga magdudula nga mamuhunan sa imprastraktura sa pagpadala sa datos nga wala kinahanglana ang prangkisa sa lehislatibo.
