CEBU CITY-Misugyot ang pipila ka mga konsehalis sa dakbayan sa Sugbo sa pagpahunong sa Package 2 sa Cebu Bus Rapid Transit human nga mipagawas ang DOTr og pamahayag nga magamit na ang package 1.
Matud pa ni Cebu City Councilor James Anthony Cuenco, ang chairman sa committee on transportation, nga ang mga isyu kalabot sa CBRT wala matubag atol sa executive session niadtong Miyerkules.
Nasayran usab nga human kini miduso sa pagsuspenso sa tulo ka nahibiling mga pacakge sa mass transport system project, ug unahon hinuon ang paghimo og expressway nga nalakip sa Metro Cebu Urban Transport System Master Plan.
Dugang ni Cuenco nga wala pay klarong detalye bahin sa mga bus nga gamiton, pletehan, ug kinsay modumala sa mga operasyon, ug padayon pa ang feasibility study bahin sa maong butang.
Gani, gikuwestiyon kini ni Cuenco, tungod sa trapiko nga ang mga sumasakay nga naggamit sa kasamtangan nga mga paagi sa kasinatian sa transportasyon.
Hinungdan nga gihimug-atan niini nga kinahanglan unahon ang mga expressway inay ang CBRT aron ma-decongest ang trapiko, sa dili pa ang CBRT.
Nasayran usab ni Cuenco nga sa P28.8 bilyones nga budget alang sa CBRT, P17 bilyon niini ang gikan sa nasudnong kagamhanan pinaagi sa General Appropriations Act, samtang ang foreign nga pundo labaw lang sa P10 bilyones.
Dugang pa, nga mohimo kini og proposal aron makompleto ang Package 1 ug himoon kini nga pilot project sa dili pa mopadayon sa ubang mga package.
