CEBU CITY-Giklaro ni Konsehal Jerry Guardo ang Chairperson sa Committee on Infrastructure sa Cebu City Council nga aduna nay budget ang kagamhanan sa Sugbo subay sa pagpaayo sa mga karsada sa bukirang barangay sa dakbayan.
Kini subay sa mga pangutana sa mga residente nga gipadangat sa Bombo Radyo Cebu kabahin na sa mga karsada nga wala pa matrabaho ug ang uban nangaguba gumikan kay dugay na kining wala gitrabaho sa kagamhanan.
Tubag niini matud pa ni Guardo nga aduna nay budget bidding nga ni kantidad ug 200 million alang sa road maintainance ang bukiran gumikan kini mao ang focus karun sa cebu city gov subay sa panglantaw nga Singapore like Cebu ni Mayor Rama. Dugang pa nga mas mo dali ang trabaho niini pinaagi sa privatezation gumikan mas komplito ug kahimanan ang mga private contructor.
Lauman nga posibling magsugod ang pagpaayo sa karsada usa ngadto sa duha buwan gumikan kay naduso na ang resolusyon ug nagpaabot nalang kini sa purchase request harun nga makasugod na sa pagbidding.
Gidugang usab ni Konsehal Jerry Guardo nga gipahimanuan niini ang mga residente sa kabukiran nga ipaabot sa ilang buhatan ang mga lugar nga adunay problima sa signal o nagpabilin nga deadspot harun nga mapatawag ang mga telco provider ug masolusyunan ang maong problima.
