CEBU CITY-Nakuhaan ug 2 ka firearms sa mismong crime scene ang gibanhigan patay nga barangay konsehal gahapong adlawa sa Esperanza, San Francisco, isla sa Camotes nga si Konsehal Marcelo Roslinda.
Una na nga gibanhigan patay ang konsehal kauban ang bodyguard niini samtang nagmaneho sa sakyanan diin dead on the spot ang maong konsehal gumikan sa daghang nga samad pinusilan nga naangkon.
Matud ni Police Supt. Virgilio Bayun-on, ang PIO sa Cebu Provincial Police Office nga padayun pa ang ilang imbestigasyon kabahin sa maong insidente kung diin ilang gitan-aw ang tanan nga anggulo nga pwede makuhaan ug impormasyon sa pagpatay sa maong konsehal.
Lakip na ang 2 ka firearms nga narecover sa crime scene nga mao ang 38 caliber pistol ug wala pa matino ang usa diin gipanag-iya matud pa ni Konsehal Roslinda nga karon gipaubos na sa ballistic examination.
Nakuha usab sa maong crime scene ang 4 ka kabhang sa M16 rifles nga gituohan nga gikan sa mga mamumuno.
Gi-awhag nalang ni Bayun-on ang publiko nga adunay kasayuran o kaha nakakita sa maong panghitabo nga dili magmakuli nga muduol kanila para masulbad na ang maong insidente.
