CEBU CITY-Naa sa kustodiya karon sa NBI-7 si Brgy. Tejero Konsehal Jessielou Cadungog human sa incidente nga pag-ambush unta kaniya apan napatay matud pa sa iyang body guard ang gun man nga nasuta nga usa diay ka pulis.
Kini nunot usab sa pagtino sa PRO-7 nga si PCSupt. Debold Sinas nga dili ambush ang nahitabo inay usa ka legitimate operation kung diin gi-surveillance matud pa sa napatay nga pulis si Cadungog tungod sa kalambigitan niini kang SPO1 Adonis Dumpit human nga gipalit niini ang iyang pusil.
Tungod niini nagpahigayon og manhunt operation ang PRO-7 batok kang Cadungong apan midangop ang konsehal sa NBI-7 tungod kay wala matud pa kini salig sa mga pulis.
Gihimakak usab ni Cadungog ang akusasyon nga nalambigit siya kang SPO1 Dumpit. Ang pagbaligya matud pa niini sa iyang pusil ngadto kang Dumpit dunay papeles ug tanan nga armas nga gipanag-iya niini adunay licensya.
Apan gitino usab sa konsehal nga andam siya nga muatubang sa mga pulis para sa paglimpyo sa iyang pangalan.Dugang pa niya nga usa ka binuang nga siya na karon ang suspect.
Samtang posible usab nga mag-atubang og sa kaso nga physical injuries ug tampering the crime scene si Councilor Dave Tumulak ang deputy mayor for police matters tungod kay matud pa gikulata niini ang driver sa motorsiklo nga gisakyan sa napatay nga pulis ug gikuha pa ang mga ID niini.
Gi-awhag usab sa PRO-7 director si Tumulak nga mupatim-aw sa ilang buhatan para i-uli ang mga gikuha niini nga ID.
