PROVINCE OF CEBU-Patay ang Konsehal sa Barangay Dugoan lungsod sa Sibonga human madisgrasya sa iyang gi maneho nga motorsiklo sa nag dugtong nga karsada sa Sibonga ug Dumanjug nga nahimutang sa Barangay Dugoan alas 8:00 sa Sabado sa gabii Hulyo 15, 2023.
Giila ang biktima nga si Wilson Ortiz Antiquina 38 anyos nga nag puyo sa Barangay Dugoan.
Sa imbestigasyon sa Sibonga police station, ubos sa pagdumala ni Police Captain Fort Anthony Valdez, ang hepe sa Sibonga police station, iyang gitino nga nag drive ang biktima sa iyang motor gikan sa Barangay Cantularoy lungsod sa Sibonga apan pag abot sa Barangay Dugoan aksidente niini nga nabanggaan ang road barrier nga gipahimutang sa wala pa mahuman nga pag semento nga karsada nga mi resulta sa iyang pagka lagpot butang nga nahagba ang ulo niini.
Dugang pa, nga dali siya nga gidala sa Deiparine Community Hospital sa mga personnel sa Municipal Disaster Risk Reduction and Management Office apan gumikan sa kadaot nga nahiagoman sa ulo ug lawas nakabsan kini sa kinabuhi.
